Mu muco nyarwanda ni ishema kurongora umugeni ukiri isugi, mu myaka yashize byari ishyano kuba umukobwa yashingirwa atari isugi ariko kuri ubu siko bimeze kuko hakomeje gushirwa mu majwi ko isugi zisigaye ari umuti kuko ngo kuyibona bisigaye bigoranye.

Ese isugi bivuga iki? bisobanura iki ? Ese ni ryari bavuga ko umukobwa ari isugi cyangwa atari isugi Ni ibiki bishobora gutuma umukobwa atakaza ubusugi? Ni kenshi usanga abasore bibaza ibibazo byinshi kubyerekeye ubusugi bw’abakobwa ugasanga baribaza ikintu gishobora kubereka umukobwa ukiri isugi n’umukobwa watakaje ubusugi bwe.

Muri iyi nkuru turarebera hamwe isugi bisobanura iki, turebe n’uburyo bukoreshwa kugira ngo hamenyekane ko umukobwa ari isugi. Umukobwa w’isugi : Ni umukobwa utarinjizwa igitsina cy’umuhungu mu gitsina cye, Aha bishatse kuvuga umukobwa utarakora imibonano mpuzabitsina na rimwe. Iyo hagize ikindi kintu kibasha kugera mu gitsina cy’umukobwa atari agitsina cy’umugabo ntibavuga ko umukobwa yatakaje ubusugi, urugero urutoki rwe cyangwa urwa mugenzi we, agatambaro k’amazi n’ibindi bishobora kwifashishwa yisukura.

Ese Hymen igaragaza gute ubusugi?

Ese agahu gato kaba kometse inyuma ku gitsina cy’umukobwa utarakora imibonano mpuzabitsina Hymen nicyo kimenyetso cyonyine cyakugaragariza umukobwa utarakora imibonano mpuzabitsina ? Bavuga ko Hymen iyo yacitse atari cyo kimenyetso cyonyine gishobora kukwereka ko umukobwa yatakaje ubusugi bwe, Aka gahu gashobora gucika biturutse ku mpamvu nyinshi zitandukanye. Urugero, aka gahu gashobora gucika bitewe n’uko umukobwa yakoze sports, yagenze cyane, gusa iyo aka gahu gacitse biturutse ko yakoze imibonano mpuzabitsina aba yaratakaje ubusugi bwe. Ese kuva amaraso cyangwa kubabara cyane igihe akoze imibonano mpuzabitsina nibyo bigaragaza umukobwa ukiri isugi ? Oya, ibi sibyo kuko umukobwa ashobora kuva amaraso mu mibonano mpuzabitsina akanababara kandi atari isugi, Ikindi ni uko Hymen ishobora gucika ariko ntave amaraso cyangwa ngo ababare.

Ese umuganga ashobora kumenya ko umukobwa akiri isugi? Oya, Icyo muganga ashobora kubona ni ukumenya niba hymen yawe yaracitse cyangwa yaravuye mu mwanya wayo, byumvikane ko muganga adashobora kumenya ko ukiri isugi ijana ku ijana kuko twabonye ko hymen ishobora gucika biturutse ku mpamvu zitandukanye harimo no gukora sports. Gusa icyo muganga akora akubaza niba warigeze gukora imibonano mpuzabitsina mu buzima bwawe mbere y’uko agusuzuma (Gynecological Examination) bityo bimufasha kumenya ubwoko bw’igikoresho akoresha( Speculum) kugira ngo ntiyangize Hymen yawe.

Uko abakobwa bashobora kubeshya ko ari amasugi

Ni gute abakobwa bashobora kubeshya ko ari amasugi kandi barakoze imibonano mpuzabitsina ? Ngo abakobwa benshi bajya babeshya abahungu ko ari amasugi kandi barakoze imibonano mpuzabitsina. Urugero, abakobwa bamwe ngo bashobora gusaba abahungu gukora imibonano mpuzabitsina yo mu kibuno ( Anal penetration) Iyo babigenje gutya ka gahu ka hymen ntigacika kuko batakoze imibonano mpuzabitsina mu buryo busanzwe ahubwo bakoze imibonano mpuzabitsina yo mu kibuno. Aha kandi twakibutsa abakoresha ubu buryo ko bugira ingaruka mbi, muri ubu buryo kandi biroroshye cyane kwanduriramo SIDA. Hari bamwe bibeshya cyane iyo umukobwa yakoze imibonano mpuzabitsina bakiruka bajya kureba mu mashuka ko umukobwa yavuye amaraso kugira ngo bamenye ko yari isugi, ibi ntabwo aribyo dukurikije ibyo tumaze kubona kuko iki si ikimenyetso simusiga kigaragaza ubusugi. Ahubwo dore bimwe mubyakwereka ko umukobwa akiri isugi cyangwa atakiriyo:

1. Umukobwa utakiri isugi iyo ubimubajije ararakara cyane,mugihe Ukiri isugi akwihorera akisekera kuko ntacyo bimubwiye.

2. umukobwa utakiri isugi Akunda kubijyaho impaka akakumvisha ko umuhungu ubigenderaho akiri umwana,nyamara ukiriyo ntanubwo aba ashaka kubivugaho kuko adakunda kwigaragaza.

3. Umukobwa utakiri isugi yambara utwambaro tugufi mugihe ukiri isugi yambara akikwiza. 4. Nubona umukobwa utaragiraga ibiganiro k’ubusugi nyuma akatangira kubiganira uzamenyeko yamaze kubutakaza.

Ubundi mubusanzwe abakobwa bakunda ubusugi bwabo kuko niryo shema ryabo kubo bihebeye.

TANGA IGITEKEREZO

Andika igitekerezo cyawe hano
Andika amazina yawe hano