Mu mugoroba wo kuri uyu wa Kane, Umugore utwitiye Kim Kardashian na Kanye West yagiye mu bitaro kwibaruka umwana w’abandi.

Ibi byatangangajwe n’umuvandimwe wa Kim, Kourtney Kardashian ubwo yari mu kiganiro cya The Ellen Show gikorwa n’umunyarwenyakazi Ellen DeGeneres.

Kourtney yari muri iki kiganiro mu rwego rwo gutungura umubyeyi we, Kris Jenner, amwifuriza umunsi mwiza w’ababyeyi. Hari kandi n’abuzukuru be batandatu.

Muri gahunda Kim Kardashian yari kuba ari muri iki kiganiro ariko byaje guhinduka, mukuru we avuga ko yagiye gukurikirana ivuka ry’umwana we atwitiwe n’undi mugore.

Ati “Umugore utwite umwana wa Kim yagiye kubyara, ari mu bitaro nanjye ngomba kujya guterura uruhinja.”

Umubyeyi wabo, Kris Jenner yavuze ko yatunguwe ko atari azi ko umwuzukuru we ari mu nzira aza ku Isi.

Muri Mutarama 2019 Kim Kardashian yemeje ko yitegura umwana w’umuhungu wasamwe hifashishijwe gutera intanga mu wundi mugore.

Kanye West yari asanzwe afite intanga yabikije ari nayo yagombaga kuvamo uyu mwana.

Uyu mwana araza asanga North West ufite imyaka itanu, Saint West ufite imyaka itatu na Chicago West ugiye kuzaza umwaka, nawe akaba yaratwiswe n’undi mugore.

Imfura n’ubuheta bwa Kanye West na Kardashian bavutse mu buryo busanzwe, ariko bimugiraho ingaruka zitandukanye, birimo kugira umuvudoko w’amaraso ukabije no kuva amaraso menshi ari nabyo byatumye atongera gutwita.

Kanye West n’umugore we Kim Kardashian bagiye kureba umugore ugiye kubabyarira

Kim Kardashian na Kanye West bagiye kubona umwana wa kane

TANGA IGITEKEREZO

Andika igitekerezo cyawe hano
Andika amazina yawe hano